குளத்தில் மிதந்த முதியவர் சடலம் - போலீஸ் விசாரணை

கன்னியாகுமரி மாவட்டம் கருங்கல் அருகே வெள்ளியாவிளை பகுதியில் பருத்திகுளம் உள்ளது. அந்த பகுதிவாசிகள் இந்த குளத்திற்கு சென்று குளிப்பது வழக்கம். அந்த வகையில் சிலர் இன்று காலை குளத்திற்கு குளிக்கசென்றனர். அப்போது குளத்தில் திடீரென முதியவர் உடல் மிதந்து வந்ததை கண்டு அதிர்ச்சியடைந்தனர்.இது குறித்து தகவலறிந்த கருங்கல் போலீ சார் சம்பவ இடத்துக்கு விரைந்து வந்து முதியவரின் உடலை மீட்டனர். . பின்னர் உடலை பிரேத - பரிசோதனைக்காக ஆசாபரிப்பள்ளம் அரசு மருத்துவமனைக்கு அனுப்பி வைத்தனர். முதற்கட்ட விசாரணையில் குளத்தில் பிணமாக கிடந்தவர் உலகன்விலையை சேர்ந்தமணி என்பது தெரியவந்தது.அவர் லுங்கி மட்டும் அணிந்திருந்தார். சட்டை அணியவில்லை. உடல் நிலையை வைத்து பார்க் கும்போது நேற்றே அவர் குளத்தில் இறந்திருக்க வாய்ப்புள்ளதாக போலீ சார் தெரிவித்தனர். எனவே மணி குளத்தில் குளிக்கும்போது மூழ்கி இறந்தாரா அல்லது நடந்து வந்தபோது குளத்தில் தவறி விழுந்து இறந்தாரா என்பது குறித்து போலீசார் விசாரணை நடத்தி வருகின்றனர்