வளர்ச்சி திட்டப்பணிகளை மாவட்ட ஆட்சியர்

ஈரோடு ஊராட்சி ஒன்றியத்திற்குட்பட்ட கிராம ஊராட்சி பகுதிகளில் ரூ.85.95 இலட்சம் மதிப்பீட்டிலான பல்வேறு வளர்ச்சி திட்டப்பணிகளை மாவட்ட ஆட்சித்தலைவர் ராஜ கோபால் சுன்கரா நேரில் சென்று பார்வையிட்டு ஆய்வு மேற்கொண்டார்.

மேட்டுநாசுவம்பாளையம் ஊராட்சியில் ஊராட்சி ஒன்றிய நடுநிலைப்பள்ளியில் 15-வது நிதிக் குழு மானிய திட்டத்தின் கட்டப்பட்டு வரும் பள்ளி கட்டிட பராமரிப்புப் பணிகள் பார்வையிட்டார். மேலும், பள்ளி வளாகத்தில் செயல்படும் அங்கன்வாடி மையத்தினையும் பார்வையிட்டு ஆய்வு மேற்கொண்டு குழந்தைகளுக்கு வழங்கப்படும் உணவுகள் மற்றும் குழந்தைகளின் வருகை விவரங்கள், குழந்தைகளின் எடை, உயரம் குறித்தும் அங்கன்வாடி பணியாளரிடம் கேட்டறிந்தார்.

இதே போல் எலவமலை , பிச்சாண்டம்பாளையம் , கூரபாளையம் போன்ற ஊராட்சி பகுதிகளில் செயல்பட்டு வரும் பணிகளையும் மாவட்ட ஆட்சியர் ராஜகௌபால் சுன்கரா பார்வையிட்டார்.