திண்டுக்கல்லில் குடிநீர் குழாய் இணைப்பு துண்டிப்பு

திண்டுக்கல் மாநகராட்சி ஆணையர் ரவிச்சந்திரன் உத்தரவின் பேரில் வருவாய் பிரிவு மற்றும் குடிநீர் வழங்கல் பிரிவு சார்பில் மாநகராட்சி பகுதிகளில் நீண்ட நாட்களாக அறிவிப்பு நோட்டீஸ் வழங்கியும் குடிநீர் வரி செலுத்தாத குடியிருப்புகளில் குடிநீர் இணைப்பு துண்டிக்கும் பணியில் நேற்று மாநகராட்சி ஊழியர்கள் ஈடுபட்டிருந்தனர்.

அப்போது அசனாத்புரம், பேகம்பூர், ஜின்னா தெரு, முருகன் கோவில் தெரு, திருமலைசாமிபுரம், கிழக்கு ராமநாதபுரம், ஆகிய பகுதிகளில் குடிநீர் வரி செலுத்தாத 12 குடியிருப்புகளின் குடிநீர் குழாய் இணைப்பு துண்டிக்கப்பட்டது.

குடிநீர்வரி செலுத்தாத நபர்கள் கண்டறிந்து குடிநீர் இணைப்பு துண்டிக்கும் பணி இனி வரும் நாட்களில் தொடரும் என அதிகாரிகள் தெரிவித்தனர்.