தேரோட்டத் திருவிழாவில் மரக்கன்றுகள் வழங்கல்

தஞ்சாவூர் மாவட்டம், பேராவூரணி அருகே ஆதனூர் - கருப்பமனை - கூப்புளிக்காடு கிராமத்தில் அருள்மிகு வீமநாயகி அம்மன் திருக்கோயில் வைகாசிப் பெருந்திருவிழாவை முன்னிட்டு செவ்வாய்க்கிழமை மாலை தேரோட்டம் நடைபெற்றது.

இதையொட்டி, ஆதனூர் ஸ்போர்ட்ஸ் கிளப் சார்பில், திருவிழாவுக்கு வந்த பக்தர்களுக்கு பொங்கல், சுண்டல், மரக்கன்றுகள் சுமார் 2 ஆயிரம் பேருக்கு வழங்கப்பட்டது. இதனை பேராவூரணி சட்டப்பேரவை உறுப்பினர் நா.அசோக்குமார் தலைமை வகித்து தொடங்கி வைத்தார்.

காவல்துறை ஆய்வாளர்கள் பசுபதி (பேராவூரணி), ஜெயமோகன் (சேதுபாவாசத்திரம்), உதவி ஆய்வாளர் புகழேந்தி, சிங்கப்பூர் தொழிலதிபர் மணிமாறன் ஆகியோர் நெல்லி, பலா, கொய்யா, மாதுளை, மாங்கள்று உள்ளிட்ட பல்வேறு வகையான மரக்கன்றுகள் வழங்கினர். இதில், ஜான் கென்னடி, ஆனந்தராஜ், சந்தியாகு, டென்னிசன்ராஜ், ஆரஞ்சு வெலிங்டன், ஜாய், கிராமப் பொதுமக்கள், மற்றும் பலர் கலந்து கொண்டனர்.