அருப்புக்கோட்டையில் திமுக அரசின் சாதனை விளக்க பொதுக்கூட்டம்

விருதுநகர் மாவட்டம் அருப்புக்கோட்டையில் திமுக நகர ஒன்றிய இளைஞரணி சார்பில் திமுக அரசின் மூன்றாண்டு சாதனை விளக்க தெருமுனை பிரச்சாரக் கூட்டங்கள் நடைபெற்றது. பாளையம்பட்டி, புதிய பேருந்து நிலையம், திருநகரம், காந்தி நகர் ஆகிய நான்கு இடங்களில் நடைபெற்ற இந்த பிரச்சாரக் கூட்டங்களில் திமுக தலைமை கழக பேச்சாளர் சரத் பாலா கலந்து கொண்டு, கடந்த மூன்று ஆண்டுகளில் திமுக அரசு செய்து சாதனைகள் குறித்து விளக்கி பேசினார்.

மேலும் மத்தியில் மீண்டும் பாஜக ஆட்சி அமைக்காது எனவும், இந்தியா கூட்டணி 300 முதல் 350 இடங்களில் வெற்றி பெறும் எனவும் அவர் பேசினார். திமுக மாவட்ட இளைஞரணி துணை அமைப்பாளர் பாபு தலைமையில் நடைபெற்ற இந்த பிரச்சார கூட்டத்தில் தெற்கு ஒன்றிய இளைஞரணி அமைப்பாளர் அழகு ராமானுஜம் உள்ளிட்ட இளைஞர் அணி நிர்வாகிகள், திமுக நிர்வாகிகள், பொதுமக்கள் உள்ளிட்ட ஏராளமானோர் கலந்து கொண்டனர்.