மகன் கண்டித்ததால் மன உளைச்சலில் தந்தை விஷம் குடித்து தற்கொலை
திருச்சி மாவட்டம் லால்குடி அருகே எசனைகோரையில் மகன் தந்தையை கண்டித்ததால் மனமுடைந்தவர் விஷம் குடித்து தற்கொலைக்கு முயன்றதில் அரசு மருத்துவமனையில் சிகிச்சை பலனின்றி உயிரிழந்தார்.
By : King 24x7 Angel
Update: 2024-06-19 06:05 GMT
தற்கொலை
திருச்சி மாவட்டம் லால்குடி அருகே எசனைகோரை சவேரியார் கோயில் தெருவை சேர்ந்தவர் 56 வயதான தேவதாஸ். இவருக்கு மதுப்பழக்கம் இருந்ததாக கூறப்படுகிறது. இதனை அவரது மகன் கண்டித்துள்ளார். இதனால் மணமுடைந்த தேவதாஸ் கடந்த 14 ம் தேதி விஷம் குடித்து மயங்கிக் கிடந்தார். இதை கண்ட அவரது குடும்பத்தினர் அவரை மீட்டு சிகிச்சைக்காக ஸ்ரீரங்கம் அரசு மருத்துவமனைக்கு கொண்டு சென்றனர்.
அங்கு முதலுதவி சிகிச்சை அளிக்கப்பட்டு பின்னர் மேல் சிகிச்சைக்காக திருச்சி அரசு மருத்துவமனையில் அனுமதித்தனர் அங்கு தொடர்ச்சி சிகிச்சை பெற்று வந்த நிலையில் சிகிச்சை பலனின்றி நேற்று பரிதாபமாக உயிரிழந்தார். இது குறித்து புகாரின் பேரில் சமயபுரம் போலீசார் வழக்கு பதிவு செய்து விசாரணை செய்து வருகின்றனர்.