மின்னணு ஓட்டுப்பதிவு செயல்விளக்கம்!

விராலிமலை: லோக்சபா தேர்தல் விரைவில் நடக்கவுள்ளதை முன்னிட்டு விராலிமலை தாலுகாவில் தேர்தல் பிரச்சார வாகனம் மூலம் பொது மக்களுக்கு தேர்தல் விழிப்புணர்வு ஏற்படுத்தப்பட்டது. நிகழ்ச்சியை தாசில்தார் கருப்பையா தொடங்கி வைத்தார். அதில் மின்னணு ஓட்டுப்பதிவு இயந்திரம் மூலம் ஓட்டுப்பதிவு செய்யும் முறை குறித்து பொதுமக்களுக்கு செயல்முறை விளக்கம் அளிக்கப்பட்டது. இதில், முதல் தலைமுறை வாக்காளர்கள் மற்றும் பொதுமக்கள் பலரும் ஆர்வமுடன் கலந்து கொண்டனர். தேர்தல் துணை தாசில்தார் ஐஸ்வர்யா, தலைமையிடத்து துணை தாசில்தார் பழனிச்சாமி மற்றும் வருவாய் ஆய்வாளர்கள், கிராம நிர்வாக அலுவலர்கள், அலுவலக பணியாளர்கள் கலந்து கொண்டனர்.