மோட்டார் சைக்கிள் மோதி விவசாயி பலி

மன்னார்குடி அருகே பரவாக்கோட்டையைச் சேர்ந்தவர் ஜெகதீசன் . இவர் விவசாய தொழில் செய்து வருவதாக கூறப்படுகிறது .இவர் கோவிலுக்கு மோட்டார் சைக்கிளில் சென்றுள்ளார். மோட்டார் சைக்கிளில் இருந்து இறங்கி சாலையை கடக்க ஜெகதீசன் நடந்து சென்றுள்ளார் .அப்போது பரவாக்கோட்டையைச் சேர்ந்த பொதியப்பன் என்பவர் ஓட்டி வந்த மோட்டார் சைக்கிள் எதிர்பாராத விதமாக ஜெகதீசன் மீது மோதியதில் படுகாயம் அடைந்த இரண்டு பேரையும் பரவாக்கோட்டை போலீசார் மீட்டு மன்னார்குடி அரச மருத்துவமனையில் சிகிச்சைக்காக சேர்த்தனர் . பின்னர் மேல் சிகிச்சைக்காக தஞ்சை மருத்துவக் கல்லூரி மருத்துவமனைக்கு ஜெகதீசனை அனுப்பி வைத்தனர் .ஆனால் செல்லும் வழியிலேயே ஜெகதீசன் பரிதாபமாக உயிரிழந்தார் . இது குறித்து பரவாக்கோட்டை போலீசார் வழக்கு பதிவு செய்து விசாரணை மேற்கொண்டு வருகின்றனர்.