பாம்பு கடித்து விவசாயி உயிரிழப்பு

செய்யூர் அருகே கொளத்துார் மாலச்சேரி கிராமம் மாரியம்மன் கோவில் தெருவை சேர்ந்தவர் வெங்கடேசன், 45. விவசாயி. கடந்த 2ம் தேதி, தனக்கு சொந்தமான வயல்வெளியில் வேலை செய்து கொண்டிருந்தபோது, வயல்வெளியில் இருந்த விஷப்பாம்பு வெங்கடேசனின் காலில் கடித்துள்ளது. அருகே இருந்த உறவினர்கள், அவரை மீட்டு, 108 ஆம்புலன்ஸ் மூலம் செங்கல்பட்டு அரசு மருத்துவமனைக்கு அனுப்பினர். அவசர சிகிச்சைப் பிரிவில் அனுமதிக்கப்பட்டு சிகிச்சை பெற்று வந்த அவர், நேற்று காலை 9: 30 மணிக்கு, சிகிச்சை பலன் இன்றி உயிரிழந்தார். இது குறித்து, அவரின் மகன் கோபி, செய்யூர் காவல் நிலையத்தில் புகார் அளித்ததை அடுத்து, போலீசார் வழக்கு பதிந்து விசாரித்து வருகின்றனர்.