சாலை விபத்தில் விவசாயி பலி

தூத்துக்குடி மாவட்டம், மாசார்பட்டி அருகேயுள்ள மேலக்கரந்தை கிராமத்தைச் சேர்ந்தவர் குருசாமி மகன் மாரியப்பன் (52), விவசாயி. இவர் நேற்று தனது பைக்கில் தூத்துக்குடி - மதுரை ரோட்டில் முத்துலாபுரம் பகுதியில் சென்று கொண்டிருந்தார். அப்போது முன்னால் சென்ற வாகனம் மீது பைக் மோதியதில் மாரியப்பன் பலத்த காயம் அடைந்தார். இதையடுத்து எட்டயபுரம் அரசு மருத்துவமனையில் அனுமதிக்கப்பட்ட அவர் சிகிச்சை பலனின்றி இறந்தார். இதுகுறித்து மாசார்பட்டி காவல் நிலைய இன்ஸ்பெக்டர் அனிதா வழக்குப் பதிந்து விசாரணை நடத்தி வருகிறார்.