விவசாயிகள் மோதல்

கெங்கவல்லி: சேலம் மாவட்டம் கெங்கவல்லி வட்ட ம் கெங்கவல்லி அடுத்த வலசக்கல்பட்டியை சேர்ந்தவர் சக்திவேல் (51). இவரது தோட்டத்துக்கு அருகில் கார்த்திகேயன் (42) என்பவரது தோட்டம் அமைந்துள்ளது. இருவருக்கும் இடையே நிலப்பிரச்னையில், நீண்ட காலமாக முன்விரோதம் இருந்து வந்தது. இந்நிலையில், கடந்த 19ம்தேதி கார்த்திகேயனின் விவசாய நிலத்தில் கிடந்த தேங்காயை எடுத்துள்ளார். அப்போது, அங்கு வந்த சக்திவேல், எனது தென்னை மரத்தில் இருந்து விழுந்த தேங்காயை ஏன் எடுக்கிறாய் என கேட்டு வாக்குவாதத்தில் ஈடுபட்டுள்ளார். பின்னர், ஒருவரையொருவர் சரமாரியாக, தாக்கிக்கொண்டனர். இதில் இருவருக்கும் காயம் ஏற்பட்டு, ஆத்தூர் அரசு மருத்துவமனையில் சிகிச்சைக்காக சேர்க்கப்பட்டனர். இதுகுறித்து இருவரும் அளித்த புகாரின் பேரில், கெங்கவல்லிபோலீசார் வழக்குபதிவு செய்து விசாரணை நடத்தி, கார்த்திகேயனை கைது செய்தனர்.