28ஆம் தேதி விவசாயிகள் குறைதீர் கூட்டம்

புதுகை மாவட்ட கலெக்டர் மெர்சி ரம்யா வெளியிட்டுள்ள செய்திக்குறிப்பில் தெரிவித்துள்ளதாவது, புதுக்கோட்டை மாவட்டத்தில் ஜூன் மாதத்துக்கான விவசாயிகள் குறைதீர்க்கும் நாள் கூட்டம் வரும் 28ம் தேதி (வெள்ளிக் கிழமை) காலை 10.30 மணிக்கு கலெக்டர் அலுவலக கூட்ட அரங்கில் கலெக்டர் தலைமையில் நடக்கிறது.

எனவே, மாவட்டத்தை சேர்ந்த விவசாயிகள் கூட்டத்தில் பங்கேற்று பயிர் சாகுபடிக்கு தேவையான நவீன தொழில் நுட்பம், வேளாண் இடுபொருட்கள் இருப்பு விபரம், வேளாண் உழவர் நலத்துறை மூலம் செயல்படுத்தப்படும் மானிய திட்டங்கள் குறித்து தெரிந்து கொள்வதுடன், விவசாயம் தொடர்புடைய கோரிக்கைகளை தெரிவித்து பயன்பெறலாம். இவ்வாறு கூறப்பட்டுள்ளது.