வனத்துறையினர் துப்பாக்கிச்சூடு: ஒருவர் உயிரிழப்பு

கம்பம் அருகே ஸ்ரீவில்லிபுத்தூர் - மேகமலை புலிகள் காப்பகத்திற்கு உட்பட்ட பாதுகாக்கப்பட்ட வனப்பகுதியான சுருளியாறு மின் நிலையம் அருகே உள்ள வண்ணாத்திப்பாறை காப்புக் காடுகளில் நேற்றிரவு வனத்துறையினர் ரோந்துப் பணியில் ஈடுபட்டிருந்தனர். அப்போது அத்து மீறி நுழைந்து வன விலங்குகளை வேட்டையாட வந்ததாக குள்ளப்பகவுண்டன்பட்டியை சேர்ந்த ஈஸ்வரன் என்பவரை வனத்துறையினர் பிடிக்க முயன்ற போது அவர் கத்தியால் குத்தி தாக்க வந்ததாக கூறப்படுகிறது. இதனால் பாதுகாப்பு கருதி வனவர் திருமுருகன் தான் வைத்திருந்த துப்பாக்கியால் சுட்டதில் ஈஸ்வரன் உயிரிழந்தார். அவரது உடல் உடற்கூறாய்வுக்காக தேனி அரசு மருத்துவக் கல்லூரி மருத்துவமனைக்கு அனுப்பி வைக்கப்பட்டது. இது குறித்து வனத்துறையினர் மற்றும் போலீசார் விசாரணை நடத்தி வருகின்றனர்.