முன்னாள் காங்கிரஸ் எம்எல்ஏ மரணம்

கள்ளக்குறிச்சி அடுத்த சிறுவங்கூரை சேர்ந்தவர் சிவராமன்,81. காங்., சார்பில் கடந்த 1980-ம் ஆண்டு தேர்தலில் சின்னசேலம் சட்டசபை தொகுதி எம்.எல்.ஏ.,வாக தேர்ந்தெடுக்கப்பட்டார். அதனைத் தொடர்ந்து 1984-ல் நடந்த தேர்தலில் காங்., கட்சி சார்பில் மீண்டும் எம்.எல்.ஏ.,வாக தேர்ந்தெடுக்கப்பட்டார். இருமுறை சின்னசேலம் தொகுதி எம்.எல்.ஏ.,வாக இருந்த இவருக்கு, இரு மகன்கள், இரு மகள்கள் உள்ளனர். கள்ளக்குறிச்சி அடுத்த சிறுவங்கூரில் வசித்து வந்த இவர், தனது 81-வது வயதில் நேற்று இயற்கை மரணமடைந்தார். கட்சி பிரமுகர்கள், உறவினர்கள், ஊர் பொது மக்கள் பலரும் இவரது உடலுக்கு அஞ்சலி செலுத்தினர்.