நல்லம்பள்ளியில் நீர்மோர் பந்தலை திறந்து வைத்த முன்னாள் அமைச்சர்

அதிமுக கட்சியின் சார்பில் தண்ணீர்பந்தல் திறக்க வேண்டும் என கழக பொதுச்செயலாளர் எடப்பாடி பழனிசாமி கோரிக்கை விடுத்தார். அதனையடுத்து இன்று தருமபுரி மாவட்டம் நல்லம்பள்ளி கிழக்கு ஒன்றியம் சார்பில் கிழக்கு ஒன்றிய செயலாளர் சிவப்பிரகாசம் ஏற்பாட்டில் நல்லம்பள்ளி பேருந்து நிலையம் பகுதிகளில் தண்ணீர்பந்தல் திறக்கப்பட்டது.

தண்ணீர்பந்தலை அமைப்பு செயலாளர் முன்னாள் அமைச்சர் மாவட்ட செயலாளர் கே.பி.அன்பழகன் திறந்து வைத்து பொதுமக்களுக்கு மோர்,இளநீர்,தர்பூசணி,எழுமிச்சை சாறு உள்ளிட்டவற்றை வழங்கினார்.

இந்நிகழ்ச்சியில் மாவட்ட அம்மாபேரவை செயலாளர் எஸ்.ஆர்.வெற்றிவேல், பாப்பிரெட்டிப்பட்டி எம்எல்ஏ கோவிந்தசாமி, நாடாளுமன்ற வேட்பாளர் அசோகன், மாவட்ட பிரதிநிதி பொன்னுவேல் உள்ளிட்டோர் உடனிருந்தனர்.