கடத்தூரில் பருவமன்ற போட்டி: சிறப்பிடம் பிடித்தவர்களுக்கு பரிசளிப்பு.

கடத்தூர் அரசு ஆண்கள் மேல்நிலைப் பள்ளியில் கல்வித்துறை சார்பாக பருவ மன்ற போட்டிகளில்  வட்டார அளவில் சிறப்பிடம் பிடித்தவர்களுக்கு பரிசளிப்பு. தர்மபுரி, டிச.5: தர்மபுரி மாவட்டம் ,கடத்தூர் அரசு ஆண்கள் மேல்நிலைப் பள்ளியில்  பள்ளிக் கல்வித் துறை சார்பில், கடத்தூர் வட்டார அளவிலான பள்ளி மாணவர்களுக்கான இரண்டாம் பருவ மன்ற செயல்பாடுகளுக்கான போட்டிகள்  நேற்று நடைபெற்றது.

இலக்கிய மன்றம், வானவில் மன்றம், சிறார் திரைப்படம் மற்றும் வினாடி வினா ஆகிய தலைப்புகளின் கீழ் 10 போட்டிகள் நடைபெற்றது. இந்நிகழ்வில் கடத்தூர்  வட்டாரத்தில் இருந்து நடுநிலை, உயர்நிலை மற்றும் மேல்நிலைப் பள்ளிகளில் பயிலும் 6 முதல் 9 ம் வகுப்பு மாணவ, மாணவியர்கள் பங்கேற்றனர். ஒவ்வொரு பள்ளிகளில் இருந்தும்  முப்பது மாணவர்கள் வீதம் 32 பள்ளிகளில் இருந்து சுமார் 720-க்கும்மேற்பட்ட  மாணவர்கள் பங்கேற்றனர். போட்டிகளில்   முதல் மற்றும் இரண்டாம் இடம் பிடித்த மாணவர்கள் தேர்வு செய்யப்பட்டனர். தே

ர்வு செய்யப்பட்ட மாணவர்கள் மாவட்ட அளவிலான போட்டிகளில் பங்கேற்க உள்ளனர். இந்த மன்ற செயல்பாடுகளுக்கான போட்டிகளை பள்ளி தலைமை ஆசிரியர் மணி, வட்டார கல்வி அலுவலர்கள் மகேந்திரன், முருகன், மேற்பார்வையாளர் விஜயகுமார் மற்றும் ஆசிரியர் பயிற்றுநர்கள் நடுவர்களாக இருந்து நடத்தி வைத்தனர்.