கஞ்சா விற்பனை செய்தவர் கைது

திருக்கோவிலூர் சப் இன்ஸ்பெக்டர் ராஜசேகரன் மற்றும் போலீசார் நேற்று மாலை ரோந்து சென்றனர். அப்போது, கீழையூர் தரைப்பாலம் அருகே சந்தேகிக்கும் வகையில் நின்றிருந்த வாலிபரை பிடித்து சோதனை செய்தனர். அதில் 50 கிராம் கஞ்சா பதுக்கி வைத்திருந்ததை கண்டுபிடித்து பறிமுதல் செய்தனர்.

விசாரணையில் அவர் திருவெண்ணைநல்லூர் அடுத்த மனக்குப்பம் கிராமத்தை சேர்ந்த ராமச்சந்திரன் மகன் அருள் பாண்டியன், 22; என தெரிய வந்தது. இதனைத் தொடர்ந்து போலீசார் பாண்டியனை கைது செய்து சிறையில் அடைத்தனர்.