ஆடு திருட்டில் தலைமறைவாக இருந்த  குற்றவாளி கைது !

திருப்பூர் மாவட்டம், காங்கேயத்தில் கடந்த மே மாதம் 15ஆம் தேதி காங்கேயம், காடையூர் அருகே பசுவன் மூப்பன் வலசில் லோகேஸ்வரன் என்பவருக்கு சொந்தமான தோட்டத்திற்கு வெளியே கட்டப்பட்டிருந்த 4 ஆடுகளை இரண்டு மர்ம நபர்கள் திருடிக் கொண்டு சென்றபோது பொதுமக்கள் திண்டுக்கல்லை சேர்ந்த சதீஸ்குமார் வயது 30 என்பவரை மடக்கி பிடித்து காங்கேயம் காவல் நிலையத்தில் ஒப்படைத்தனர்.  தலைமறைவாக இருந்த மற்றொருவரை போலிசார் தேடி வந்தனர். இந்த நிலையில் திண்டுக்கல் மாவட்டம், ஆத்தூர் தாலுக்கா வடக்கு தெருவை சேர்ந்த சுப்பையா என்பவரது மகன் முத்துராமன் வயது 27 என்பவரை காங்கேயம் போலிசார் கைது செய்து நீதிமன்றத்தில் ஆஜர்படுத்தி தாராபுரம் சிறையில் அடைத்தனர்.