கொடைக்கானல் அரசு கல்லுரியில் பட்டமளிப்பு விழா

திண்டுக்கல் மாவட்டம் கொடைக்கானல் அட்டுவம்பட்டி பகுதியில் அரசு கலை மற்றும் அறிவியல் கலை கல்லூரி அமைந்துள்ளது, இந்த கல்லூரியில் 22வது பட்டமளிப்பு விழா நடைபெற்றது.இந்த பட்டமளிப்பு விழாவில் பொதுப்பணியியல் துறை,ஆங்கிலம் மற்றும் தமிழ், வணிக நிர்வாகவியல் வணிகவியல், இயற்பியல், வேதியியல், தாவர வியல், கணிதம் உள்ளிட்ட பாடபிரிவுகளில் படித்து முடித்த 170 மாணவிகளுக்கு இளநிலை பட்டம் வழங்கப்பட்டது.

இந்த பட்டங்களை அன்னை தெரசா மகளிர் பல்கலை கழக துணை வேந்தர் கலா வழங்கி மாணவிகளிடம் படிப்பு மட்டும் தான் மருந்து எனவும், பெண்களின் இயலாமையை படிப்பு மட்டும் தான் போக்கும், இளைஞர்கள் அனைவரும் படிக்க வேண்டும் என விவேகானந்தர் அவர்கள் சொல்லியதை பின்பற்ற வேண்டும் என்பதை சுட்டிக் காட்டினார், மேலும் பெண்களின் எதிர்கால வாழ்க்கையை படிப்பு தான் நிர்ணயிக்கும் எனவும் தெரிவித்தார்.

இந்த பட்டமளிப்பு விழாவில் அரசு கலை மற்றும் அறிவியல் கல்லூரி பேராசிரியர்கள், கவுரவ விரிவுரையாளர்கள் மற்றும் மாணவிகளின் உறவினர்களும் திரளாக கலந்து கொண்டனர்.