தர்மபுரியில் நாளை விவசாயிகள் குறைதீர் கூட்டம்

 தர்மபுரி உதவி கலெக்டர் கீதா ராணி வெளியிட்டுள்ள செய்திக்குறிப்பில் கூறப்பட்டுள்ளதாவது:- தர்மபுரி கோட்டத்திற்க்குட்பட்ட பகுதிகளை சேர்ந்த விவசாயிகள் குறை தீர்க்கும் நாள் கூட்டம் தர்மபுரி உதவி கலெக்டர் அலுவலகத்தில் நாளை  (வெள்ளிக்கிழமை)பகல் 11 மணிக்கு தொடங்கி நடக்கிறது. இந்த கூட்டத்தில் துறை சார்ந்த அதிகாரிகள் கலந்து கொள்கிறார்கள். எனவே தர்மபுரி வருவாய் கோட்டத்திற்க்குட்பட்ட தர்மபுரி, நல்லம்பள்ளி, பென்னாகரம், பாலக்கோடு, காரிமங்கலம் பகுதிகளை சேர்ந்த விவசாயிகள், இந்த கூட்டத்தில் கலந்து கொண்டு வேளாண்மை தொடர்பான தங்கள் குறைகள், கோரிக்கைகளை தெரிவித்து பயன்பெறுமாறு கேட்டுக் கொள்ளப்படுகிறார்கள். இவ்வாறு அதில் கூறப்பட்டுள்ளது.