ஹெல்மெட் விழிப்புணர்வு மராத்தான் போட்டி

நாமக்கல் மாவட்டம் குமாரபாளையம் திருவள்ளுவர் இளைஞர் நற்பணி மன்றம்  சார்பில் ஹெல்மெட் விழிப்புணர்வு மராத்தான் ஓட்ட போட்டி நடந்தது. மன்ற தலைவர் முத்து குமார் தலைமை வகித்தார். மாவட்ட தி.மு.க. செயலர் மதுரா செந்தில் கொடியசைத்து போட்டியை துவக்கி வைத்தார். பள்ளி, கல்லூரி மாணவ, மாணவியர் மற்றும் பொதுமக்கள் பெருமளவில் பங்கேற்றனர்.

திருவள்ளுவர் நகரில் துவங்கி, ஓலப்பாளையம், கம்பன் நகர், பெரியார் நகர், சடையம்பாளையம், உள்ளிட்ட பல பகுதிகள் வழியாக ஆறு கிலோ மீட்டர் தூரம் இந்த போட்டி நடந்தது. போட்டியில் வெற்றி பெற்றவர்களுக்கு ஆண்கள் மற்றும் பெண்களுக்கு தனித்தனியாக  முதல் பரிசாக 7 ஆயிரத்து 500, இரண்டாம் பரிசாக 2 ஆயிரத்து 500, மூன்றாம் பரிசாக ஆயிரத்து 500 வழங்கப்பட்டது. இதில் நகராட்சி தலைவர் விஜய்கண்ணன், மாவட்ட பொருளர் ராஜாராம், மாநில செயற்குழு உறுப்பினர் செல்வராஜ், ஒன்றிய செயலர் நாச்சிமுத்து, எஸ்.எஸ்.எம். லட்சுமியம்மாள் மெட்ரிக் பள்ளி தாளாளர் ரவீந்திரன், தெற்கு நாகர் செயலர் ஞானசேகரன் உள்பட பலர் பங்கேற்று வெற்றி பெற்றவர்களுக்கு பரிசுகள் வழங்கி பாராட்டினர்.