விழுப்புரம்:மாபெரும் இலவச கண் பரிசோதனை முகாம்
கனரா வங்கி மற்றும் அரவிந்த் கண் மருத்துவமனை சார்பில் நடைபெற்ற மாபெரும் இலவச கண் பரிசோதனை முகாமில் ஏராளமான பொதுமக்கள் கலந்து கொண்டனர்.
Update: 2024-02-28 14:50 GMT
விழுப்புரத்தில் கனரா வங்கி மற்றும் அரவிந்த் கண் மருத்துவமனை சார்பில் மாபெரும் இலவச கண் பரிசோதனை முகாம் நடைபெற்றது. முகாமினை மாவட்ட துணைப்பதிவாளர் கூட்டுறவு துறை பிரியதர்ஷினி, விழுப்புரம் கனரா வங்கி முதன்மை மேலாளர் சுதீர்குமார் குத்து விளக்கு ஏற்றி துவக்கி வைத்தனர். மேலும் முகாமில் கலந்து கொண்ட நோயாளிகள் அனைவருக்கும் கண் பரிசோதனை செய்யப்பட்டு, அவரவருக்கு ஏற்றார் போல் கண் கண்ணாடிகள் வழங்கப்பட்டன. மேலும் கண்ணில் கண்புரை மற்றும் குறைபாடு உள்ள நோயாளிகளுக்கு அறுவை சிகிச்சை மற்றும் மேல் சிகிச்சைக்காக பாண்டி, தவளகுப்பத்தில் அமைந்துள்ள அரவிந்த் கண் மருத்துவமனைக்கு அனுப்பி வைத்தனர். முகாமில் 100 மேற்பட்ட நோயாளிகள் கலந்து கொண்டனர்.