செங்கல்லால் மனைவியை தாக்கிய கணவன் கைது

நாமக்கல் மாவட்டம், மல்லசமுத்திரம் கவுண்டம்பாளையம் அருந்தியர் காலனியைச் சேர்ந்தவர் ரகுபதி (30). இவரது மனைவி கஸ்தூரி (28). குடிப்பழக்கம் கொண்ட ரகுபதி அடிக்கடி மது குடித்துவிட்டு மனைவியிடம் தகராறில் ஈடுபட்டு வந்துள்ளார். இதனால் கஸ்தூரி கோபித்துக்கொண்டு சேலம் பள்ளப்பட்டி கோரிக்காட்டில் உள்ள தனது பெற்றோர் வீட்டிற்கு வந்து விட்டார்.

இந்நிலையில் நேற்று வீட்டில் இருந்த போது அங்கு வந்த ரகுபதி மனைவியை குடும்பம் நடத்த அழைத்துள்ளார். ஆனால் கஸ்தூரி வரமறுத்த நிலையில், ஆத்திரம் அடைந்த ரகுபதி, செங்கல்லால் தாக்கி கொலை மிரட்டல் விடுத்துள்ளார். இதில் படுகாயம் அடைந்த கஸ்தூரியை அருகில் இருந்தவர்கள் மீட்டு சேலம் அரசு மருத்துவமனையில் சேர்த்தனர். தொடர்ந்து அவர் கொடுத்த புகாரின் பேரில் வழக்குப்பதிவு செய்த பள்ளப்பட்டி போலீசார் ரகுபதியை கைது செய்து சிறையில் அடைத்தனர்.