அரசு மேல்நிலைப்பள்ளி கட்டடம் திறப்பு

தென்காசி மாவட்டம் சங்கரன்கோவில் அருகே திருவேங்கடம் பேரூராட்சி அரசு மேல்நிலைப்பள்ளியில் ரூ.115.45 இலட்சம் மதிப்பில் கட்டப்பட்டுள்ள புதிய கட்டிடத்தை மாண்புமிகு வருவாய் மற்றும் பேரிடர் மேலாண்மைத்துறை அமைச்சர் கே.கே.எஸ்.எஸ்.ராமச்சந்திரன் வைத்து பள்ளி மாணவ / மாணவிகளுக்கு 150 விலையில்லா மிதிவண்டிகளை வழங்கினார்.

அதனைத் தொடர்ந்து குருவிகுளம் அரசு மேல்நிலைப்பள்ளி மாணவ /மாணவிகளுக்கு 126 விலையில்லா மிதிவண்டிகளை வழங்கினார். இந்நிகழ்ச்சியில், தென்காசி மாவட்ட ஆட்சித்தலைவர் துரை.இரவிச்சந்திரன்  , தென்காசி நாடாளுமன்ற உறுப்பினர் தனுஷ் எம்.குமார், சங்கரன்கோவில் சட்டமன்ற உறுப்பினர் ராஜா, மாவட்ட முதன்மைக் கல்வி அலுவலர் முத்தையா, மாவட்ட கல்வி அலுவலர் தேவிகாராணி, திருவேங்கடம் பேரூராட்சித் தலைவர் பாலமுருகன், உதவிமக்கள் தொடர்பு அலுவலர் ராமசுப்பிரமணியன் மற்றும் பள்ளி மாணவ /மாணவிகள் ஆகியோர் கலந்து கொண்டனர்.