ஜல்லிக்கட்டு போட்டியில் மாடு முட்டியதில் காயம்

சிவகங்கை மாவட்டம், மதகுபட்டி அருகே கீழக்கோட்டையில் மஞ்சுவிரட்டு போட்டி நடைபெற்றது. இதில் சிவகங்கை, திருப்பத்தூர், சிங்கம்புணரி, கல்லல் உள்ளிட்ட பகுதியைச் சேர்ந்த 150 க்கு மேற்பட்ட காளைகள் பங்கேற்றன. இளைஞர்கள் மாடுகளை விரட்டிப் பிடித்தனர். இதில் சில மாடுகள் பிடிபட்டன. சில மாடுகள் யாரையும் நெருங்க விடாதபடி நின்று விளையாடின. மாடுகள் முட்டியதில் 10க்கும் மேற்பட்டோர் காயமடைந்தனர். இதில் படுகாயமடைந்த புதுக்கோட்டை மாவட்டம் கோனாபட்டை சேர்ந்த கண்ணன் மகன் தருண் (வயது 19) மதுரை அரசு மருத்துவமனையில் அனுமதிக்கப்பட்டு சிகிச்சை பெற்று வருகிறார். இது குறித்து மதகுபட்டி போலீசார் விசாரித்து வருகின்றனர்