மின் கம்பங்களில் வண்ண விளக்குகள் பொருத்தும் பணி: மேயர் ஆய்வு

தூத்துக்குடியில் சென்டர் மீடியன்களிலுள்ள மின் கம்பங்களில் வண்ண விளக்குகள் பொருத்தும் பணிகளை மேயர் ஜெகன் பெரியசாமி பார்வையிட்டு ஆய்வு செய்தார். பின்னர் அவர் செய்தியாளர்களிடம் தெரிவித்ததாவது,

தமிழ்நாடு முதலமைச்சர் மு.க.ஸ்டாலின் உத்தரவின்படி தூத்துக்குடி மாநகரை அழகுபடுத்தும் வண்ணம் தூத்துக்குடி மாநகராட்சியானது பல்வேறு நடவடிக்கைகளை எடுத்து வருகிறது. அதன் ஒரு பகுதியாக சுமார் 518 சென்டர் மீடியன்களிலுள்ள மின் கம்பங்களில் வண்ண விளக்குகள் பொருத்தும் பணிகள் துவங்கியுள்ளது என்று தெரிவித்தார்.

ஆய்வின் போது, மாநகராட்சி ஆணையர் மதுபாலன், திமுக பகுதி செயலாளரும் மாமன்ற உறுப்பினருமான சுரேஷ் குமார், நிர்வாகிகள், மாநகராட்சி அதிகாரிகள் மற்றும் துறை சார்ந்த அலுவலர்கள் உடன் இருந்தனர்.