பள்ளிகளுக்கு இடையிலான வாலிபால் போட்டி
தூத்துக்குடி புனித தாமஸ் பள்ளியில் நடக்கும் பள்ளிகளுக்கு இடையிலான வாலிபால் போட்டியில் 8 அணிகள் பங்கேற்றுள்ளன.
Update: 2024-07-01 07:10 GMT
வாலிபால் போட்டிகள் துவக்கம்
மாணவர்கள் மத்தியில் வாலிபால் விளையாட்டை ஊக்குவிக்கும் வகையில் தூத்துக்குடி புனித தாமஸ் பள்ளி சார்பில் பள்ளிகளுக்கு இடையிலான வாலிபால் போட்டி நடைபெற்றது. இந்த போட்டியில் புனித தாமஸ் பள்ளி அணி, சேவியர் பள்ளி அணி, உள்ளிட்ட 8 அணிகள் கலந்து கொண்டன. போட்டியை பள்ளி தலைமை ஆசிரியர் ஆஸ்கர் தலைமையில் தாளாளர் ராயப்பன் போட்டியை துவங்கி வைத்தார். முதல் போட்டியில் புனித தாமஸ் பள்ளி அணியை எதிர்த்து சேவியர் பள்ளி அணி மோதியது விறுவிறுப்பாக நடைபெற்ற போட்டியில் புனித தாமஸ் பள்ளி அணி வெற்றி பெற்றது. தொடர்ந்து போட்டிகள் நடைபெற்று வருகிறது. வெற்றி பெறும் அணிகளுக்கு இன்று பரிசு வழங்கும் நிகழ்ச்சி நடைபெறுகிறது இந்த நிகழ்ச்சிக்கான ஏற்பாடுகளை பள்ளி உடற்பயிற்சி ஆசிரியர்கள் தினேஷ், ஜூடு ரஞ்சித், ஆகியோர் சிறப்பாக செய்திருந்தனர்.