பெண்கள் வளர்ச்சித்துறை சார்பில் உலக மகளிர் தினவிழா !

திண்டுக்கல் மாவட்டம் நத்தம் என்.பி.ஆர்.கல்வி குழுமத்தில் பெண்கள் வளர்ச்சித்துறை சார்பில் கல்லூரி வளாகத்தில் உலக மகளிர் தினவிழா கொண்டாடப்பட்டது. "நிகழ் காலத்தில் சமத்துவம் மற்றும் டிஜிட்டல் எதிர்காலத்தை உருவாக்குதல்" என்ற தலைப்பில் கருத்தரங்கம் நடந்தது.சென்னை சித்தா டாக்டர் ஷர்மிகா சிறப்பு விருந்தினராக கலந்து கொண்டு பேசும்போது பெண்களின் நலம்,உடல் நலம் பற்றியும்,கோபத்தினால் விளையும் தீமைகள் பற்றியும்,கோபத்தை தவிர்ப்பது எவ்வாறு என்பது பற்றியும் மாணவிகளிடையே கலந்துரையாடினார். மேலும் மாணவிகளை உற்சாகப்படுத்தும் வகையில் ஆடை அலங்கார அணிவகுப்பு உள்ளிட்ட போட்டிகள் நடத்தப்பட்டது. அதில் முதல் 3 இடங்களை பிடித்த மாணவிகளுக்கு பரிசுகள் வழங்கப்பட்டது. இதில் என்.பி.ஆர். கல்விக்குழுமத்தின் அனைத்து மாணவிகள் மற்றும் பேராசிரியைகள் கலந்து கொண்டனர்.