தலைவாசல் போலீஸ் நிலையத்தில் துணை போலீஸ் சூப்பிரண்டு ஆய்வு

சேலம் மாவட்டம் கெங்கவல்லி வட்டம் தலைவாசல் போலீஸ் நிலையத்தில் துணை போலீஸ் சூப்பிரண்டு நாகராஜன் ஆய்வு செய்தார். போலீஸ் நிலையத்தில் உள்ள வழக்கு பதிவேடுகள், வருகை பதிவேடு, இருப்புபதிவேடு, கிராமவிழிப்புணர்வு கமிட்டி பதிவேடு, சீனியர்சிட்டிசன் பதிவேடு,நாட்டுத்துப்பாக்கி பதிவேடு உட்பட பல்வேறு பதிவேடுகளை ஆய்வு செய்தார்.

தொடர்ந்து போலீஸ் நிலையத்தில் உள்ள கைதியறை, கழிவறை, காவலர்கள் குடியிருப்பு, வழக்கு சம்பந்தமாக பிடிபட்ட வாகனங்கள், குடிநீர் வசதி, போலீஸ் மைதானம் ஆகியவற்றை பார்வையிட்டு ஆய்வு செய்தார். பின்னர் போலீஸ் நிலையவளாகத்தில் மரக்கன்றுகளை நட்டு வைத்தார்.

இந்த ஆய்வின் போது போலீஸ் இன்ஸ்பெக்டர் அழகுராணி சப்-இன்ஸ் பெக்டர்கள் செல்வராஜ், அய்யப்பன் ஜெயராமன் மற்றும் போலீசார் உடனிருந்தனர்.