குளச்சலில் வீட்டில் நகை கொள்ளை - போலீஸ் தனிப்படை அமைப்பு .

குமரி மாவட்டம் குளச்சல் அருகே முக்காடு பகுதியை சேர்ந்தவர் சுகாசினி (39). கணவனிடம் விவாகரத்து பெற்று மகனுடன் தனியாக வசித்து வரும் இவர்  தனியார் பள்ளியில் ஊழியராக பணியாற்றி வருகிறார்.      நேற்று முன் தினம் இவரது  வீடு புகுந்து மர்ம நபர்கள்   13 பவுன் நகைகளை கொள்ளையடித்து சென்றனர். இது குறித்த புகாரின் பேரில் குளச்சல் டிஎஸ்பி தங்கராமன் தலைமையில் போலீசார் விசாரணை நடத்தினர். தொடர்ந்து மோப்ப நாய், தடயவியல் நிபுணர்கள் தடயங்களை சேகரித்தனர்.       மேலும்  அந்தப் பகுதியில் உள்ள சிசிடிவி கேமரா காட்சிகளை ஆய்வு செய்து வருகின்றனர். அதன் அடிப்படையில் கொள்ளையர்களை நெருங்கி வருவதாக போலீசார் தெரிவித்தனர். டிஎஸ்பி தங்கராமன் தலைமையில் தனிப்படை அமைத்து கொள்ளையர்களை தேடி வருகின்றனர்.