கப்பியாம்புலியூர் சிகா கல்வி குழும பள்ளி ஆண்டு விழா

விழுப்புரம் மாவட்டம், விக்கிரவாண்டி அடுத்த கப்பியாம்புலியூரில் உள்ள சிகா நர்சரி பிரைமரி மற்றும் மேல்நிலைப்பள்ளி ஆண்டு விழா பள்ளி வளாகத்தில் நடைபெற்றது. இதற்கு சிகா பள்ளி குழும நிர்வாகி விசாலாட்சி பொன்முடி தலைமை தாங்கி குத்துவிளக்கேற்றி வைத்து பல்வேறு போட்டிகளில் வெற்றி பெற்ற மாணவ-மாணவிகளுக்கு பரிசுகள் வழங்கி பாராட்டி பேசினார். கல்லூரி முதல்வர் கோபால் வரவேற்றார். கல்வி அறக்கட்டளை தலைவர் சாமிநாதன் ஆண்டறிக்கை வாசித்தார். இதைத் தொடர்ந்து பள்ளி மாணவ- மாணவிகளின் கலை நிகழ்ச்சி கள் நடைபெற்றன.

நிகழ்ச்சியில் விக்கிரவாண்டி பேரூராட்சி தலைவர் அப்துல் சலாம் மற்றும் கோத செல்வகுமார், மரகதம் மருத்துவமனை டாக்டர் திலீபன், ஊராட்சி மன்ற தலைவர் கலையரசன், கல்லூரி முதல்வர் ராஜரத்தினம், கல்வியியல் கல்லூரி முதல்வர் நீமாவதி, மேலாளர் நாராயணன், பள்ளி ஆசிரியர் பாபு, கல்லூரி ஆசிரியர்கள் அருண்மொழி அரசன், தேகலீசன் மற்றும் ஆசிரியர் கள், மாணவர்கள், பெற்றோர்கள் உள்பட பலர் கலந்துகொண்டனர். முடிவில் ஆசிரியை சித்ரா நன்றி கூறினார்.