கேலோ இந்தியா கிக்பாக்சிங் போட்டி - மாணவிகள் சாதனை

செங்கல்பட்டு மாவட்டம் மேலக்கோட்டையூரில் தமிழ்நாடு உடற்கல்வி பல்கலைகழகத்தில் கேலோ இந்தியா பெண்களுக்கான கிக்பாக்சிங் சாம்பியன்ஷிப் 2023 போட்டிகள் நடந்தது. இப்போட்டியில் பல்வேறு மாவட்டங்களில் இருந்து 300க்கும் மேற்பட்ட மாணவிகள் கலந்து கொண்டனர். இதில் கள்ளக்குறிச்சி மாவட்டம் சங்கராபுரம் சூர்யா ஸ்போர்ட்ஸ் கிளப் பயிற்சியாளர் சூரியமுர்த்தி தலைமையில் 10 மாணவிகள் பங்கேற்றனர்.இதில் 55 கிலோ எடை பிரிவில் மாணவி கனிமொழி வெண்கல பதக்கமும்,மியூசிக்கல் வெப்பன் பிரிவில் ஹரிஷ்மா தங்க பதக்கமும் வென்று கள்ளக்குறிச்சி மாவட்டத்திற்கு பெருமை சேர்த்தனர். போட்டியில் கலந்து கொண்டு வெற்றி பெற்ற மாணவிகளை தமிழ்நாடு அமெச்சூர் குத்துச்சண்டை சங்க செயலாளர் சுரேஷ்பாபு, கள்ளக்குறிச்சி மாவட்ட செயலாளர் இஸ்மாயில் ஆகியோர் பாராட்டினர்.