கோட்டப்பாளையம் அரசு பள்ளி முன்பாக வேகத்தடை அமைக்கணும் !

நாமக்கல் மாவட்டம், மல்லசமுத்திரம் அடுத்த, கோட்டப்பாளையம் அரசு உயர்நிலைப்பள்ளி எதிரே பருத்திப்பள்ளி, வையப்பமலை, மல்லசமுத்திரம் உள்ளிட்ட பகுதிகளுக்கு சாலை பிரிந்து செல்கிறது. இச்சாலையில் இரவு, பகல் பாராமல் தினம் எண்ணற்ற இருசக்கர, கனரக, இலகுரக வாகனங்கள் என எந்நேரமும் சென்று கொண்டுள்ளது. இந்த வாகனங்கள் அசுர வேகத்தில் செல்வதால் மாணவர்கள் மற்றும் ஆசிரியர்கள் சாலையைக் கடக்க சிரமப்படுகின்றனர். ஒரு சில நாட்களில் எதிர்பாராத விதமாக விபத்துகளும் நடக்கிறது. ஆகவே அரசு பள்ளி எதிரே வேகத்தடை அமைக்க நடவடிக்கை எடுக்க வேண்டும் என மக்கள் கோரிக்கை விடுத்துள்ளனர்.