கோட்டைப்பட்டி வீரமகாமுனி கோயில் திருவிழா

திண்டுக்கல் மாவட்டம், செந்துறை அடுத்துள்ள கோட்டைப்பட்டி வீரமகாமுனி கோயில் திருவிழா தொடங்கியது. இதையொட்டி வாணவேடிக்கையுடன் சுவாமிக்கு பக்தர்கள் ஏக வேஷ்டி அணியும் நிகழ்ச்சி நடந்தது. விழாவில் சுவாமிக்கு தினமும் சிறப்பு அபிஷேகம் அலங்கார, ஆராதனைகள் நடைபெற்றது. தொடர்ந்து ஞாயிற்றுக்கிழமை பக்தர்கள் கிடாய் வெட்டி நேர்த்திக்கடன் செலுத்தினர்.

பக்தர்களுக்கு அன்ன தானம் வழங்கப்பட்டது. இதில் சுற்றுவட்டாரப் பகுதிகளைச் சேர்ந்த ஏராளமான பக்தர்கள் கலந்து கொண்டு சாமி தரிசனம் செய்து வழிபட்டனர். இதற்கான ஏற்பாடுகளை கோட்டைப்பட்டி, வேப்பம்பட்டி கிராம பொதுமக்கள் செய்திருந்தனர்.