குமாரபாளையம் : சி.பி.எம் சார்பில் தமிழ் வளர்ச்சி தின கருத்தரங்கம்

குமாரபாளையம் சி.பி.எம் சார்பில் கட்சி அலுவலகத்தில் தமிழ் வளர்ச்சி தின கருத்தரங்கம்  நகர செயலர் சக்திவேல் தலைமையில் நடந்தது. சிறப்பு அழைப்பாளராக மாநில செயற்குழு உறுப்பினர் முத்துக்கண்ணன் பங்கேற்று பேசினார். அவர் பேசியதாவது:தமிழ்நாடு உருவான நவ.1ம் தேதியை  தமிழ்நாடு தினமாக தமிழ்நாடு அரசு கொண்டாட வேண்டும் என்று சி.பி.எம். வலியுறுத்தி வந்தது.  1956-ம் ஆண்டு நாட்டில் மொழிவாரி மாநிலங்கள் உருவாக்கப்பட்டன. இதனடிப்படையில் கர்நாடகா, கேரளா, ஆந்திரா உள்ளிட்ட பல மாநிலங்கள் உதயமாகின. அன்றைய சென்னை மாகாணமாகிய தமிழ்நாடு பல பகுதிகளைப் பறிகொடுத்தது. கர்நாடகா உள்ளிட்ட மாநிலங்கள் நவம்பர் 1-ந் தேதியை மாநிலங்கள் உருவாகிய நாளாகக் கொண்டாடுகின்றன.அண்மை காலமாக நவம்பர் 1-ந் தேதியை தமிழ்நாடும் கொண்டாட வேண்டும் என்கிற குரல் வலுத்து வந்தது. சி.பி.எம். இதற்கு குரல் கொடுத்தது. இவ்வாறு அவர் பேசினார். இதில் நிர்வாகிகள் சண்முகம், கந்தசாமி, மாதேஸ்வரன், வெங்கடேசன், சரவணன் உள்பட பலர் பங்கேற்றனர்.