கும்பகோணம் : காங்கிரஸ் வேட்பாளர் சுதா தீவிர பிரசாரம்

 தமிழகம், புதுச்சேரியில் உள்ள 40 தொகுதிகளுக்கும் ஒரே கட்டமாக வருகிற 19ம் தேதி தேர்தல் நடைபெறுகிறது. தேர்தலுக்கு இன்னும் 5 நாட்கள் மட்டுமே எஞ்சியுள்ளது. அதே நேரத்தில் பிரசாரத்திற்கு இன்னும் 3 நாட்கள் மட்டுமே உள்ளது. அதாவது 17ம் தேதி மாலை 6 மணிக்கு மேல் பிரசாரம் ஓய்கிறது. இதனால் அனைத்து அரசியல் கட்சியினரும் தீவிர பிரசாரத்தில் ஈடுபட்டு வருகின்றனர். கொளுத்தும் வெயிலையும் பொருட்படுத்தாமல் அனைத்து மாநில அரசியல் கட்சித் தலைவர்கள் சூறாவளி பிரசாரம் மேற்கொண்டு வருகின்றனர்.

அதே நேரத்தில் தேசிய தலைவர்களும் தமிழகத்தில் பிரசாரத்தில் ஈடுபட்டு வருகின்றனர். இந்நிலையில், நேற்று  சுவாமிமலை, மருத்துவக்குடி, கல்விக்குடி, கொந்தகை, திருவைகாவூர், பட்டவர்த்தி, துரும்பூர், ஆதனூர், திருமண்டங்குடி, வாழ்க்கை, மற்றும் சுற்று வட்டார கிராமங்களில் இந்தியா கூட்டணி கட்சி சார்பில் மயிலாடுதுறை நாடாளுமன்ற தேர்தலில் காங்கிரஸ் கட்சி சார்பில் போட்டியிடும் வேட்பாளர் சுதா, தீவிர வாக்கு சேகரிப்பில் ஈடுபட்டார். இதில் மாநிலங்களவை உறுப்பினரும் மாவட்ட செயலாளருமான கல்யாணசுந்தரம், மற்றும் மகளிர் அணி நிர்வாகிகள் இந்தியா கூட்டணி கட்சி நிர்வாகிகள் இருசக்கர வாகனத்தில் ஏராளமானோர் முன்னே செல்ல திறந்த வாகனத்தில் கை சின்னத்திற்கு வாக்குகள் கேட்டு தீவிர வாக்கு சேகரிப்பில் வேட்பாளர் சுதா, மற்றும் இந்திய கூட்டணி கட்சி நிர்வாகிகள் ஈடுபட்டனர்.