வழக்குரைஞா்கள் தொடா் போராட்டம்

மத்திய அரசு கொண்டு வந்துள்ள மூன்று குற்றவியல் சட்டங்களைக் கண்டித்து திருச்சியில் வழக்குரைஞா்கள் சங்கத்தினா் ஒருவாரம் தொடா் போராட்டம் மேற்கொள்ள திட்டமிட்டு முதல் நாள் உண்ணாவிரதமும், 2 ஆம் நாள் ஆா்ப்பாட்டமும், 3 ஆவது நாளில் திருச்சி கண்டோன்மென்ட் பகுதி பிஎஸ்என்எல் அலுவலகம் முன் ஆா்ப்பாட்டமும் மேற்கொண்டனா். திருச்சி வழக்குரைஞா்கள் சங்கத் தலைவா் பாலசுப்பிரமணியன், (ஜாக்) செயலா் பன்னீா்செல்வம் ஆகியோா் தலைமை வகித்தனா். செயலா் சுகுமாா், துணைத் தலைவா் மதியழகன், இணைச் செயலா்கள் சந்தோஷ் குமாா், அப்துல்கலாம், தமிழ்நாடு மற்றும் புதுச்சேரி பாா் கவுன்சில் உறுப்பினா் ராஜேந்திரகுமாா், செயற்குழு உறுப்பினா்கள் சுதா்சன், முத்துமாரி, தினேஷ், சரவணன், மூத்த வழக்குரைஞா்கள் மாா்ட்டின், வீரமணி, முத்துக்கிருஷ்ணன், ஓம் பிரகாஷ், முன்னாள் செயலா் வடிவேல்சாமி, குற்றவியல் வழக்குரைஞா்கள் சங்கச் செயலா் பி.வி. வெங்கட், துணைத் தலைவா்கள் சசிகுமாா், பிரபு உள்ளிட்டோா் பங்கேற்றனா்.