டிரினிடி கல்லூரியில் 'சாதிக்கலாம் நாம்' நிகழ்வு

நாமக்கல் - டிரினிடி மகளிர் கலை மற்றும் அறிவியல் கல்லூரியின் முன்னாள் மாணவியர் சங்கமானது, வணிகவியல் துறையின் பங்களிப்போடு 'சாதிக்கலாம் நாம்' என்ற தலைப்பிலான நிகழ்வினை கல்லூரி வளாகத்தில் இன்று நடத்தியது. இந்நிகழ்வில் டிரினிடி மகளிர் கல்லூரியின் பிகாம் (2016-2019) பாடப்பிரிவின் முன்னாள் மாணவியும், திருச்சி - சர்வதேச விமான நிலையத்தின் வாடிக்கையாளர் சேவை மையத்தின் செயல்பாட்டாளருமான வீ. நித்யா கலந்து கொண்டு மாணவியரிடம் உரையாற்றினார். தான் பிறந்த தொட்டியம் - சுருட்டப்பாளையம் கிராமம் முதல் தற்போது பணிபுரியும் விமான சேவை வரை தன் அனுபவங்களை மாணவியரிடம் பகிர்ந்து கொண்டார்.