மைலம்பட்டியில் உங்களைத் தேடி உங்கள் ஊரில்

மைலம்பட்டியில் உங்களைத் தேடி உங்கள் ஊரில் திட்டத்தில் ஆய்வு மேற்கொண்ட ஆட்சியர் தங்கவேல். "உங்களை தேடி உங்கள் ஊரில்" என்ற திட்டத்தின் மூலம், பொது சேவையை மேம்படுத்தவும், பல்வேறு திட்டங்களை விரைவாக செயல்படுத்தவும், தமிழக அரசு நடவடிக்கை மேற்கொண்டு வருகிறது. மக்களுக்கு தேவையான சேவைகளை உங்கள் வீட்டு வாசலுக்கு கொண்டு செல்லும் திட்டத்தின் மூலம் பொது சேவையை மேம்படுத்தவும், பல்வேறு திட்டங்களை விரைவுபடுத்தவும் குறிப்பிடத்தக்க நடவடிக்கை எடுத்துள்ளது.

பல்வேறு திட்டங்களின் பலன்கள் அடிமட்ட அளவில் சென்றடைவதை உறுதி செய்வதன் மூலம், அரசுக்கும் பொதுமக்களுக்கும் இடையே உள்ள இடைவெளியைக் குறைப்பதை நோக்கமாகக் கொண்டுள்ளது. அரசின் திட்டங்கள் செயல்திறன் மற்றும் வெளிப்படைத்தன்மையை மேம்படுத்த வடிவமைக்கப்பட்டுள்ளது. இத்திட்டத்தின் கீழ், மாவட்ட ஆட்சியர் மற்றும் மூத்த அதிகாரிகள் ஒவ்வொரு மாதமும் 4-வது புதன்கிழமையில் குறிப்பிட்ட ஒரு தாலுகாவில் 24 மணி நேரமும் செலவிட வேண்டும்.

பல்வேறு திட்டங்களின் செயல்பாடுகளை மதிப்பாய்வு செய்யவும், உள்கட்டமைப்பை ஆய்வு செய்யவும், பொதுமக்களின் தேவைகள் மற்றும் குறைகளை நேரடியாகப் புரிந்துகொள்ளவும் இந்த பணிகள் அமையும். இதன் அடிப்படையில் இன்று கடவூர் தாலுகாவில் மாவட்ட ஆட்சியர் பல்வேறு இடங்களில் ஆய்வு மேற்கொண்டு வருகிறார். இதில் ஒரு பகுதியாக மைலம்பட்டி அரசு மருத்துவமனையில் ஆய்வு மேற்கொண்டார். இந்த ஆய்வின்போது நலப் பணிகள் திட்ட இணை இயக்குனர் உடன் இருந்தார். பொதுமக்கள் தங்கள் குறைகள் குறித்து மனுக்களை மாவட்ட ஆட்சியரிடம் அளித்தனர்.