நாகர்கோவிலில் லாரி டிரைவர் தற்கொலை 

குமரி மாவட்டம், நாகர்கோவில் மேலமறவன் குடியிருப்பு பகுதியை சேர்ந்தவர் ஜெரால்டு (61). லாரி டிரைவரான இவருக்கு கடந்த சில நாட்களாக உடல் நலம் பாதிக்கப்பட்டிருந்தார். இதனால் வேலைக்கு செல்ல முடியாமல் மனமுடைந்த நிலையில் காணப்பட்டார். இந்த நிலையில் ஜெரால்டு நேற்று வீட்டில் உள்ள மின்விசிறியில் தூக்குப்போட்டு தற்கொலை செய்து கொண்டார்.

இது குறித்து கோட்டார் போலீசாருக்கு தகவல் தெரிவிக்கப்பட்டது. போலீசார் சம்பவ இடத்திற்கு சென்று தூக்கில் தொங்கிய ஜெரால்டு உடலை மீட்டு பிரேத பரிசோதனைக்காக ஆசாரிப்பள்ளம் அரசு மருத்துவக் கல்லூரி ஆஸ்பத்திரிக்கு அனுப்பி வைத்தனர். இந்த சம்பவம் தொடர்பாக அவரது மனைவி ஆரோக்கிய ஜீவராணி கொடுத்த புகாரின் பேரில் போலீசார் வழக்கு பதிவு செய்து விசாரணை நடத்தி வருகிறார்கள்.