சூரமங்கலத்தில் மகா மாரியம்மன் கோவில் திருவிழா

சேலம் சூரமங்கலம் உழவர் சந்தை எதிரில் மகா மாரியம்மன், காளியம்மன் கோவில் உள்ளது. இந்த கோவில் திருவிழாவையொட்டி பக்தர்களுக்கு அன்னதானம் வழங்கும் நிகழ்ச்சி கோவிலில் நடந்தது. இதில், கோவில் விழா கமிட்டி தலைவர் ஜங்ஷன் மணிமாறன் தலைமையில் 2 ஆயிரம் பேருக்கு அன்னதானம் வழங்கப்பட்டது. சூரமங்கலம் சுற்றுவட்டார பகுதிகளில் இருந்து ஏராளமான பொதுமக்கள் கோவிலுக்கு வந்திருந்து அன்னதானத்தை வாங்கி சென்றனர்.

நிகழ்ச்சியில், கவுன்சிலர் பன்னீர்செல்வம் மற்றும் கோவில் கமிட்டி நிர்வாகிகள் சுரேஷ், லால், கோகுல், மனோகரன், முனியப்பன், தமிழ்நாடு மக்கள் உரிமை கட்சியின் மாநில தலைவர் பூமொழி உள்பட பலர் கலந்து கொண்டனர்.

ஏற்கனவே, கோடை வெயிலையொட்டி கோவில் முன்பு கடந்த 50 நாட்களாக பொதுமக்களுக்கு இலவசமாக நீர், மோர் வழங்கப்பட்டதாக கோவில் கமிட்டி நிர்வாகிகள் தெரிவித்தனர்.