மகாசக்தி மாரியம்மன் கோயில் தேர் திருவிழா

தர்மபுரி மாவட்டம், நல்லம்பள்ளி அருகே பாளையம்புதூர் கிராமத்தில் உள்ளது, அருள்மிகு மகா சக்தி மாரியம்மன் கோயில். இக்கோயில் திருவிழா கடந்த 10- ஆம் தேதி கொடியேற்றத்துடன் துவங்கியது. தொடர்ந்து, பக்தர்கள் அம்மனுக்கு கூழ் ஊற்றி வழிபடும் நிகழ்ச்சி நடந்தது. 22-ஆம் தேதி முனியப்பன் செய்தல் நிகழ்ச்சி மற்றும் பால்குடம் ஊர்வலமாக எடுத்து சென்று அம்மனுக்கு பால் அபிஷேகம் நடந்தது.

24-ஆம் தேதி காளியம்மனுக்கு பொங்கல் வைத்து வழிபாடு நிகழ்ச்சி மற்றும் அம்மனுக்கு, பக்தர்கள் நேர்த்திக்கடன் செலுத்தும் விதமாக அலகு குத்தியும், தலைமீது தீச்சட்டி எடுத்தும், மாவிளக்கு படைத்து வழிப்பட்டனர். 25-ஆம் தேதி தேர் இழுத்தல் நிகழ்ச்சி, பம்ப வாத்தியங்கள் வானவேடிக்கை முழங்க வெகுவிமர்சியாக நடந்தது.

இதில் பல்வேறு கிராமங்களை சேர்ந்த பக்தர்கள் திரளாக கலந்து கொண்டு சாமி தரிசனம் செய்தனர். மேலும் இன்று 26-ஆம் தேதி மஞ்சள் நீராடுதலுடன் கோயில் விழா நிகழ்ச்சி நிறைவு பெறுகிறது. இதற்கான ஏற்பாடுகளை விழாக்குழுவினர் மற்றும் பக்தர்கள் செய்து வருகின்றனர்.