பெங்களூருவில் இருந்து சேலத்திற்கு பஸ்சில் குட்கா கடத்தி வந்தவர் கைது

பெங்களூருவில் இருந்து கோவைக்கு அரசு பஸ்சில் குட்கா கடத்தி வரப்படுவதாக போலீசாருக்கு தகவல் கிடைத்தது. அதன்பேரில் ஏட்டு கண்ணன் மற்றும் போலீசார் ஓமலூர் அருகே காமலாபுரம் பிரிவு ரோடு அருகில் பஸ்சை நிறுத்தி சோதனை செய்தனர். அந்த பஸ்சில் 2 பேக்குகளில் குட்கா வைத்து இருந்த ஒருவரை பிடித்து போலீசார் விசாரணை நடத்தினர். விசாரணையில் அவர், திருவண்ணாமலை மாவட்டம் வரகூர் பகுதியைச் சேர்ந்த பிரகாஷ் (வயது 26) என்பதும், பெங்களூருவில் இருந்து கோவைக்கு கடத்தி வந்ததும் தெரிய வந்தது. அவரை போலீசார் கைது செய்து ரூ.16,700 மதிப்பிலான குட்கா பொருட்களை பறிமுதல் செய்தனர்.