மேட்டூரில் பாமக சார்பில் மருத்துவ முகாம்

மேட்டூர் புது காலனி பகுதியில் பாமக இளைஞரணி சார்பில் தோல், முடி மற்றும் மூட்டு தேய்மானம் இலவச ஆலோசனை முகாம் நடைபெற்றது. இந்த முகாமினை பாமக மாவட்ட செயலாளர் ராஜசேகரன் துவக்கி வைத்தார் .பாமக நகர செயலாளர் மதியழகன் முன்னிலை வகித்தார்.

இதில் நகம் சார்ந்த சிகிச்சை ,கால் ஆணி அகற்றுதல், பல வருடங்களாக மூட்டு வலியால் நடக்க சிரமப்படுபவர்கள் மூட்டு தேய்மானத்தால், கால்கள் வளைந்து போனவர்கள், முதுகுத்தண்டு வடம் இடுப்பு வலிகளுக்கான சிகிச்சைகள், தசை நார் கிழிதளுக்கான நுண்துளை சிகிச்சைகள், விளையாட்டு மற்றும் விபத்தின் போது ஏற்பட்ட காயங்களுக்களுக்கு சேலம் தனியா மருத்துவமனையை சேர்ந்த மருத்துவர்கள் பரிசோதனை செய்து ஆலோசனை மற்றும் மருந்து மாத்திரைகள் வழங்கினர். இந்த முகாமில் மேட்டூர் சுற்றுவட்டார பகுதியை சேர்ந்த ஏராளமான பொதுமக்கள் கலந்து கொண்டு பயனடைந்தனர்.