புதிய வீடுகள் கட்டித்தர மேலகோவானூர் பொதுமக்கள் கோரிக்கை

சிவகங்கை மாவட்டம், சிவகங்கை அருகே மேலகோவானூரில் 40 ஆண்டுகளுக்கு முன்பு ஆதிதிராவிட காலனி வீடுகள் கட்டிக் கொடுக்கப்பட்டுள்ளது. இதில் 25க்கும் மேற்பட்ட குடும்பங்கள் வசித்து வரும் நிலையில் பழைய கட்டிடங்கள் என்பதால் மேற்கூரைகள் இடிந்து விழுகிறது. இதனால் இரவு நேரத்தில் உறங்கிக்கொண்டிருப்பவர்களுக்கு காயம் ஏற்படுவதோடு மருத்துவமனையில் அனுமதிக்கும் நிலை ஏற்படுகிறது. இதனால் அச்சத்துடன் வசித்து வருகின்றனர்.‌ இந்நிலையில் அக்கட்டிடங்களை இடித்து அகற்றி புதிய கட்டிடம் கட்டி தர அப்பகுதி மக்கள் கோரிக்கை விடுத்துள்ளனர்.