நான் முதல்வன் திட்டத்தின் கீழ் உயர்கல்விக்கு வழிகாட்டும் நிகழ்ச்சி

கிருஷ்ணகிரி விஜய் வித்யாலயா மெட்ரிக் மேல்நிலைப்பள்ளி வளாகத்தில், பள்ளிக்கல்வித்துறை சார்பாக, நான் முதல்வன் திட்டத்தின் கீழ், உயர்கல்விக்கு வழிகாட்டும் "12-ஆம் வகுப்பு பயின்ற மாணவர்களுக்கான கல்லூரிக் கனவு 2024" நிகழ்ச்சியை மாவட்ட ஆட்சித்தலைவர் திருமதி.கே.எம்.சரயு இ.ஆ.ப. நேற்று(10.05.2024) குத்து விளக்கு ஏற்றி துவக்கி வைத்தார். நிகழ்ச்சியில் 1,475 மாணவ, மாணவிகள் கலந்து கொண்டனர்.

தொடர்ந்து, மாவட்ட ஆட்சித்தலைவர் அவர்கள், மாவட்ட தொழில் மையம், மாவட்ட வேலைவாய்ப்பு மற்றும் தொழில்நெறி வழிகாட்டும் மையம், அரசு தொழிற் பழகுநர் கல்லூரி, மத்திகிரி கால்நடை பல்கலைக்கழக கோழி ஆராய்ச்சி பட்டயப்படிப்பு, இந்தியன் வங்கி, அரசு மகளிர் கலைக்கல்லூரி, ஐ.ஆர்.டி பாலிடெக்னிக் கல்லூரி, கெலமங்கலம் அரசினர் பாலிடெக்னிக் கல்லூரி உள்ளிட்ட துறைகள் சார்பாக மாணவ மாணவியர்கள் உயர்கல்வி பயில்வதற்கான வழிகாட்டி அரங்குகள் அமைக்கப்பட்டுள்ளதை பார்வையிட்டார்.

இந்நிகழ்ச்சியில், மாவட்ட காவல் கண்காணிப்பாளர் திரு.பெ.தங்கதுரை, கூடுதல் ஆட்சியர் மற்றும் ஊரக வளர்ச்சி முகமை திட்ட இயக்குநர் திருமதி.வந்தனா கர்க் இ.ஆ.ப., மாவட்ட தொழில் மைய பொது மேலாளர் திரு.பிரசன்ன பாலமுருகன், மாவட்ட வேலைவாய்ப்பு அலுவலர் திரு.கௌரிசங்கர், இந்தியன் வங்கி முன்னோடி வங்கி மேலாளர் திரு.சரவணன், மாவட்ட திறன் பயிற்சி உதவி இயக்குநர் திரு.சி.பன்னீர்செல்வம், மாவட்ட பிற்படுத்தப்பட்டோர் மற்றும் சிறுபான்மையினர் நல அலுவலர் திருமதி.பத்மலதா, மாவட்ட முதன்மை கல்வி அலுவலரின் நேர்முக உதவியாளர் திரு.எம்.வெங்கடேசன், உதவி திட்ட அலுவலர் திரு.எஸ்.வடிவேல் மற்றும் ஆசிரிய பெருமக்கள், மாணவ, மாணவிகள் கலந்து கொண்டனர்.