தரைப்பாலங்களே இருக்காது என அமைச்சர் பேச்சு

ஒட்டன்சத்திரம், தமிழகத்தில் அடுத்த ஆண்டிற்குள் தரைப்பாலங்களே இல்லாத நிலை உருவாகும், என பொதுப்பணித்துறை அமைச்சர் எ.வ.வேலு பேசினார்.ஒட்டன்சத்திரம் தொகுதி தொப்பம்பட்டியில் பழநி- தாராபுரம் நான்கு வழிச்சாலை திட்ட பணிகளை துவக்கி வைத்த அவர் பேசியதாவது:முதல்வர் சாலை மேம்பாட்டு திட்டத்தில் 2200 கி.மீ., நீளம் சாலை நான்கு வழிச்சாலையாக மேம்படுத்தப்பட்டு வருகின்றன.அதன்படி 2021- -22 ல் 255 கி.மீ., நீளம் சாலை ரூ.2124 கோடி மதிப்பீட்டில் மேம்படுத்தப்பட்டுள்ளது. 1.5 மீட்டர் அகலத்தில் பேவர் பிளாக் நடைபாதையும் அமைக்கப்பட உள்ளது என்றார்.