சேலம் தெற்கு சட்டசபை தொகுதிக்கான மாதிரி வாக்குப்பதிவு

சேலம் நாடாளுமன்ற தொகுதிக்கு உட்பட்ட தெற்கு சட்டமன்ற தொகுதிக்கு ஒதுக்கீடு செய்யப்பட்ட வாக்குப்பதிவு எந்திரங்கள் சரியாக செயல்படுகிறது என்பதற்காக மாதிரி வாக்குப்பதிவு கணேஷ் கலை கல்லூரி வளாகத்தில் நடைபெற்றது. அதே போன்று பதிவான வாக்கு எண்ணிக்கை சரிபார்க்கும் பணி வேட்பாளர்களின் முகவர்கள் முன்னிலையில் நடைபெற்றது. இந்த பணிகளை உதவி தேர்தல் நடத்தும் அலுவலர் பாலச்சந்தர் நேரில் பார்வையிட்டு ஆய்வு நடத்தினார். அப்போது அவர் கூறும் போது சேலம் தெற்கு சட்டமன்ற தொகுதிக்கு வழங்கப்பட்ட 290 வாக்குப்பதிவு எந்திரங்கள் தயார் நிலையில் உள்ளது. இந்த எந்திரங்களில் முகவர்கள் முன்னிலையில் மாதிரி வாக்குப்பதிவு நடைபெற்றது. தொடர்ந்து வாக்குப்பதிவு நடைபெற்றதை சரி பார்க்கப்பட்டது. அப்போது எந்திரங்கள் அனைத்தும் சரியாக இருப்பது உறுதி செய்யப்பட்டது என்று கூறினார்.