மாணவர்களுக்கான ஊக்கமூட்டல் பயிற்சி

கெங்கவல்லி வட்டம் கெங்கவல்லி அருகே தலைவாசல் அடுத்துள்ள பெரியேரி எஸ்ஆர்எம் முத்தமிழ் மேல்நிலைப்பள்ளியில் மாணவர்களுக்கான ஊக்கமூட்டல் பயிற்சி கல்வி நிறுவனங்களின் தலைவர் சக்திவேல் தலைமையில் நடைபெற்றது.பயிற்சியினை இளைய அப்துல்கலாம் ஐ.ஜெகன் பங்கேற்று நடத்தினார். இன்றைய மாணவர்களிடையே நிலவும் தவறான பழக்கவழக்கங்கள் பற்றியும், நம்வழியில் எவ்வாறு நடப்பது என்றும் விளக்கக் காட்சியுடன் எடுத்துக் கூறினார். மேலும், அரசு பொதுத் தேர்வை எதிர்கொள்ள உள்ள மாணவர்களை அதிக மதிப்பெண்கள் பெறுவதன் முக்கியத்துவத்தை எடுத்துரைத்தார்.

நிகழ்ச்சியில், கல்வி நிறுவனங்களின் செயலாளர் சோலைமுத்து, பொருளாளர் ராமலிங்கம், அறக்கட்டளை உறுப்பினர்கள், தலைமையாசிரியர் ராதாகிருஷ்ணன். ஸ்ரீ ராஜமுருகா, பள்ளி முதல்வர் கலைவாணி, மழலையர் மற்றும் நர்சரி பள்ளியின் தலைமையாசிரியை சரவணம், ஆசிரிய, ஆசிரியைகள் கலந்துகொண்டனர். முன்னதாக ஜேஆர்சி, சாரணப்படை மாணவர்கள் அணிவகுப்பு நடத்தினர். பின்னர் ஐ.ஜெகனுக்கு நினைவுப் பரிசை நிர்வாகிகள், அறக்கட்டளை நிர்வாகிகள் வழங்கினர்.