வாலிபரை மிரட்டி மோட்டார் சைக்கிள் பறிப்பு - 4 பேர் கைது

சேலம் சன்னியாசிகுண்டு பகுதியை சேர்ந்தவர் ரமேஷ். இவருடைய மகன் லோகேஷ் (27). இவர் மோட்டார் சைக்கிளில் சன்னியாசிகுண்டு பகுதியில் சாலையில் சென்று கொண்டிருந்தார். அப்போது அவரை சிலர் வழிமறித்து தாக்கி அவரது மோட்டார் சைக்கிளை பறித்துக்கொண்டனர். இதில் காயம் அடைந்த அவர் சேலம் அரசு ஆஸ்பத்திரியில் சிகிச்சை பெற்று வருகிறார். இது குறித்த புகாரின் பேரில் கிச்சிப்பாளையம் போலீசார் வழக்குப்பதிவு செய்து சன்னியாசி குண்டு பகுதியை சேர்ந்த ஹரிகிருஷ்ணன் (32), ஈஸ்வரன் (39) உள்பட 4 பேரை கைது செய்தனர்.